तस्बिर गज़ल

तस्बिर गज़ल

गज़ल

              Ramesh Aryal

बजार जाऊ साहुले भाउ बढेको कुरा गर्छन्
श्रीमतिले घर भोकै बसेको कुरा गर्छन् 

फुर्सदमा कैले काही निस्कन्छु गाउ तिर
नसुनेको गाउलेहरु देखेको कुरा गर्छन्

छोराछोरी पढ्न जान खोज्छन स्कुलतिर
फिस नतिर्दा शिक्षकले पिटेको कुरा गर्छन्

बा'आमाको गुनासो नि सानो त कहा छ र !
साथीभाई पैसै पैसा गनेको कुरा गर्छन्

उधारोमा बल्ल बल्ल कोट किनेर लाएँ
दाजु भाई यो जाडोले सेकेको कुरा गर्छन

अरे यार झनै दिक्क अचेल लाग्न थाल्यो
देश्मा कोहि युद्द गर्न लागेको कुरा गर्छन्

रमेश अर्याल
मरुभूमिको छाती बाट

मुक्तक

Ramesh Aryal

☺☻☺
दोबाटोमा अस्ति कुम ठोकेर गई
हिजो देख्दा चाही ओठ टोकेर गई
किन लोभिई छिट्टै शंका त लाग्दै थ्योँ
आज भेट्दा लौन पर्स बोकेर गई

मुक्तक

Ramesh Aryal

पढाउने शिक्षकले बुझाएको हुनुपर्छ
नत्र चिट परिक्षामा लुकाएको हुनुपर्छ
कसरि पास भो १८ घण्टा लोडसेडिङ्गमा
कि त जून हर रात उदाएको हुनुपर्छ

गज़ल Ramesh Aryal

Ramesh Aryal

रातो टिंका निधारमा लगाएर कता हिड्यौ

धुप बत्ति मन्दिरमा जलाएर कता हिड्यौ

रोक्न सक्छन् दोबाटोमा माया गर्छु भन्नेहरु
फूल अक्षता ढुंगालाई चढाएर कता हिड्यौ

तिम्रै जस्तो फक्रिदै थ्यो गुलाबको त्यो जवानी

मखमली चुल्ठी भरि सजाएर कता हिड्यौ

मुक्तक

सिन्दुरले तिम्रो सिउदो भर्छु भन्दा पत्याईनौ
बसाई पनि तिम्रै नजिक सर्छु भन्दा पत्याईनौ
हेरुँला म जुन तारा कस्ले दिन्छ उपहार 
गुलाव दिई साँचो माया गर्छु भन्दा पत्याईनौ

मुक्तक

हे संम्पति कतिन्जेल तड्पाउछस् तैले मलाई
पक्कै भेट्छु पसिनामा खोज्दै छु म पर्खी तलाई
पैसा भए अघि पछी पछ्याउदै हिड्थेँ मान्छे
फकिर हुँ त्यसैले त चिहाउछन् ढोका लगाई