लघुकथा
बर्तमान...
म स्नातक उपाधी हासिल गरेपछी नोकरीको खोजीमा थिए । जसको लागि नयाँ जोस जाँगरका साथ गएको हप्ता ४ वटा कार्यालयमा खुलेको बिज्ञापनमा अन्तर्वार्ता दिने तयारीमा जुटे । जुन अन्तर्वार्तामा सोधिएको प्रश्नको सार यस्तो थियो ।
१ नं कार्यालय : तपाइ जनयुद्धको समयमा कहाँ हुनुहुन्थ्यो ? हाम्रो पथको दर्शन कस्तो लाग्छ ? पार्टीको सदस्यता लिनु भएको छ ? हाम्रो पार्टीलाई कति चन्दा दिन सक्नु हुन्छ ?
२ नं कार्यालय : तपाईंको यस कार्यालयमा काम गर्ने कोही हुनुहुन्छ ? तपाइ सँग कुनै सिफारिस छ ? तपाइ प्रजातान्त्रिक बिचारधाराको हो ? लगत्तै आउंदै गरेको जिल्ला अधिवेशनको लागि कति सहयोग दिन सक्नु हुन्छ ?
३ नं कार्यालय : तपाइ क र ख मध्ये कुन नेताप्रती तपाईंको झुकाव छ ? कुन कमरेड ले पठाएर आउनु भएको ? विद्यार्थी हुँदा कुन सङठनमा आवध्द हुनुहुन्थ्यो? पार्टीको नियम पुराएर अन्तर्वार्ता दिन आउनु भएको हो ?
४ नं कार्यालय : तपाईंको घर कहाँ हो ? हिन्दी भाषा लेख्न र बोल्न आउँछ ? जागिर पाएमा नजराना कति चढाउनु हुन्छ ? तराइमा गएर काम गर्ने बिचार छ की छैन? दुतावासको सिफारिस छ ?
अवाक भै कुनैको पनि नतिजा प्रकाशित गरेको हेर्न गइन र म जस्तो नेपालीको लागि थिएन त्यो पद ।
त्यसैले अर्को हप्ता हिजो दिएको अन्तर्वार्तामा सफल भै साउदीमा काम गर्न जांदैछु । तपाइ पनि जाने हो की ?
मेरो नेपाल २०६९/०१/१२ www.nepalisaili.blogspot.com
